Πώς γίνεται ο σεισμόν

Έναν καιρόν ’ς ση Λαραχανήν τη Ματσούκας εγένετον σεισμός. Οι χωρέτ εχπαράγαν, έτρεξαν σον ποπάν κ’ ερώτεσαν ατον:
–    Πώς γίνεται αούτο το κακόν;

Λέει ατς κι ο Ποπαβράμς:
–    Ευλογημέν’! ατόσον μικρόν πράμαν πα κ’ εξέρετεν;  Ο κόσμον στέκ απάν ’ς σο κέρατον εινός τζαμεσί. Όνταν νεγκάσκεται το ζαβαλίν το χαϊβάν, γάλα- γάλα αλλάζ’ κέρατον. Αρ’ σ’ άλλαγμα απάν λαΐσκεται η γη. Σ’ ατό τον λόγον απάν, ο Γιάννες ο Σκορδέλτς ερχίνεσεν να ταπουρίγεται, να κλαίει και να σύρ’ τα γένεια τ’ …

–    Όλαν ντ’ έπαθες ερώτεσαν ατον οι αλλ’,  ντο κλαίς;
–    Και πώς να μη κλαίω; λέει κι ο Γιάννες. Αν είναι κορόσσ’ δάκ’ το τζαμέσ’ και βιντζιάγεται, ντο θα γίνουμεσ’; Θα χάμες εμείς πα κι η γη πα.
Ο Ποπαβράμς εγροίξεν την πετρέαν. Εσκώθεν κ’ εδέβεν πλάν, σειτα έλεγεν ΄΄Ύπαγε οπίσω μου Σατανά! …΄΄.

Πηγή: elverias.gr

Ετικέτες .Προσθέστε στους σελιδοδείκτες το μόνιμο σύνδεσμο.

Αφήστε μια απάντηση

Η ηλ. διεύθυνσή σας δεν δημοσιεύεται. Τα υποχρεωτικά πεδία σημειώνονται με *